المساعد الشخصي الرقمي

مشاهدة النسخة كاملة : هل تحترم (ين)من تغازلها وتنقاد لك

The bomb
28-09-2006, 04:00 AM
السلام عليكم ورحمة الله وبركاتة

حبايب قلبي شباب وبنات حنين السعودية
اليوم جايب موضوع جدي وللنقاش ومطلوب فيه
الصراحه والمصداقية المتناهيه
على العموم ما أبي أطول عليكم
أترك لكم الموضوع وبعدين ابي اشوف ردوكم ونقاشاتكم

.................................................. .


هذا السؤال الذي تم طرحه على مجموعه من الشباب العرب
في مختلف الدول العربيه، وكان على كل منهم ان يجيب عليه
بصراحه دون ذكر تفاصيل عن نفسه فكانت النتائج
شبه متفق عليها، واليكم بعض هذه الاجابات ..

1-

بصدق وعــن تجربه لا يستطيــع الرجل ان يــثق بفــتاة تحدثت مــعه
مرات عبر الهاتف او خرجت معه بدون علم اهلها وبدون ارتباط
رسمي ولا يستطيع ان يتزوج من فتاه منحته اي شيء
ولو كان بسيطا طالما كان بدون حق ومهما وعدها
واسمعها من معسول الكلام فلن يوفي بوعده
واي فتاه ذكية يجب ان تكون منتبهة لذلك.

2-

ان كل دعوى للحب لا تؤيد بالاقدام الجاد والسريع على الخطبة
ثم الزواج هي دعوة كاذبة وان كل الشباب اذا فكروا في
الزواج لا يختارون التي يغازلونها وتلين لهم وتضحك
معهم وتكلمهم ابدا ابدا فالشباب هدفهم من تلك
الفتاة التي يحادثونها في الهاتف عن الحب
والاخلاص هو ابعد ما يكون
عن الحب والاخلاص.

3-

قالها احدهم لما عرضت عليه الجمع بينه وبين محبوبة الهاتف
في الحلال قالها بالحرف الواحد وبهذا اللفظ: اعـوذ بالله
والله لو تقولي ببلاش. واخر لما عرضت عليه الزواج
اريدها عذراء العواطف وانت لست كذلك وكيف
اثق بك وقد اخذت رقمك من الشارع.

4-

ليس عندي اي استعداد للزواج من فتاه كنت اعاكسها لانني على يقــين
تام بانها كما استجابت لي فقد سبق ان استجابت لغيري وستستجيب
لاخر فضلا عن اني احتقر كل فتاة تسمح لنفسها بالمعاكسه
وانا اكلمها في الهاتف لاحقق غرضي ولكني في داخلي
انظر لها بكل احتقار.

وانتم ياشباب ويابنات ممكن تعطوني رايكم بكل صدق وصراحة ؟؟؟؟
:mad: :mad: :mad:
Ana 3ُear
30-09-2006, 09:05 PM
اهلين عزيزي ..

والله شوف .. لكل واحد رأي في هالموضوع

آمـا بالنسبه .. ان اللي يغازل مايحترم البنت اللي تسولف معه

معنى هالكلام .. انه انسان واطي .. لانه مو محترم نفسه

وبالعكس انا مااعتقد اني ابسمتر مع بنت وهي طايحه من عيني

انا ماراح تزيد علاقتي مع وحده الا اذا حبيتها ..

والحب هو قمة الاحترام .. وماراح احب وحده مااحترمها

هذا شي ..

والشي الثاني ..

ذكرتني بسالفه الشاعر عبدالله بن علوش

يقول بقصيده .اشياء ممنوعه يسمونها حب

يقصد المغازلات ومكالمات اخر الليل

وفي قصيده ثانيه له .. يقول الحب مايعرف لا دين ولا كرامه

يعني قمة التناقض ..

وانا اقول .. الحب مايعرف لا دين ولا رجال ولا بنت

والحب بلوى .. والله يطيح فيه او تطيح فيه .. الله يعينهـ\ـا

وبسسس


حبيبك مشاري << واثق انك تحبه
NoRa
30-09-2006, 09:19 PM
اهلييييين اخوي ويسلمو على موضوعك وانا رأيي من رايي اخوي مشاري
اصلا سالفه المعاكسه المغازل بالعامي شي من وجهة نظري سخييف و اصلا حررام انهم يخربون الحب بهالسخافات وخلوو الحب لعب عيال وانا انسانه من جد احتقر الولد والبنت اللي يغازلون او يكلمون شباب
او الولد اللي يكلم بنات لان مو وجهة نظري ما عنده اخلاق اصلا او هي ما عندها اخلاق و مهما كان العذر الصح صح والغلط غلط وما في شي اسمه ضغوط او الضغط يولد الانفجار اللي طايحين فيها البنات هاليومين
كل واحد عقله في راسه يعرف خلاصه وانا انسانه من جد ابي اتزوج واحد محترم وعنده اخلاق وما عمره فكر انه ينظر لبنت ثانيه او يقضي وقته مع احد و اخر شي الله يستر على جميع المسلمين والمسلمات
The bomb
30-09-2006, 10:16 PM
اهلين فيك اخوي الغالي مشاري
بصراحة ردك كان جدا جميل ورايك واضح وهذا العشم فيك والله
وصحيح ترى اللي يغازل / تغازل .. ماعندهم سالفة ويحاولون
يتخلصون من واقع ومش عاف ايه هذا كله كلام فاضي
وصدقني ياغالي حرام نظلم الحب بسبب ناس ماعندها وعي
وناس كل تفكيرها (( تغيير جو )) هذا ما يطلقه البعض على التعرف
على الشباب أو البنات ...... وناسين انه الحب شيء عظيم
أعظم من المراهقة والتخبط
اخوي الغالي مشاري مرة ثانية احب أشكرك على مشاركتك الجميلة
ونقاشك اللي يدل على اهتمامك لهذي القضية المشينة
على العموم ماأبي أطول عليك لك شكري وكل تقديري

******************************************

نورة عزيزتي حسن ماأخترتي في ضم صوتك له بصراحة
زي مااتفضلتي البعض من البنات والشباب شوهو صورة الحب
لكن أذا جينا لرائي الخاص انا أنسان ماأؤمن بالحب قبل الزواج
لــ............................................... ............................ـش
لان الحب قبل الزواج يعني العلاقة الغير رسمية واللي هي حديثنا من خلال هذا الموضوع ...................
وردي على اللي يقول كيف عرف طباع البنت أو الولد قبل ماأتزوجه/ـا
وأبتلش فيهـ/ـا أقول أنه فترة الخطبة تكون كافية للتعرف على البعض

وياغاليتي كلنا ودنا نتزوج من اللي يناسبنا وماتكون لها في كل هالخرابيط
ولك شكري على المرور والرد الواقعي
XENON
04-10-2006, 09:52 PM
أخوي the bomb
يعطيك العافية على موضوعك الرائع والجاد .
أنا مثلك البنت إلي إستجابت لي , أكيد بتستجيب لغيري.
وأنا ما أثق في البنت إلا إذا تعرفت عليها بالصدفة وحبتني وحبيتها.
وماتعرف أحد قبلي أبد أبد..
ويكون معرفتي عند أهلها وقرايبها ومافيه أي إشكاليه إذا كانت أصغر مني بسنة أو أكبر مني .
وفيه بعض البنات الله يهديهم ماسكين التعارف على أساس المصلحة
مو لأساس الصداقة الجدية .
وأنا من راي إن البنات مايتحرشون في الرجال .
وأكيد الرجال عندهم من الإحترام إذا شافوا بنت معتدلة ومحترمة
أكيد ميه بالمئة بيتجنبونها ومايناظرون فيها كمان .
وقد صارت لي وأنا صراحة البنات مايهموني أشكل من مستقبلي
وكل واحد مننا عارف الشي هذا وعلى قولة أبو نايف
( الصـــــديق وقت الضيــــق )
ومره ثانية تقبل مروري وأشكرك على طرح الموضوع الجاد.
أخوك سامي
Ana 3ُear
05-10-2006, 01:18 AM
اخوي سامي

من قال لك ان اللي بتتعرف عليك بتتعرف على غيرك

شل هالفكره من راسك ..

مثل مافيه بنات لعابات .. تأكد فيه صادقات

و من اسلوبها تعرف اذا هي كذابه او لا


تقولك احبك من اول شي وانا مااعرف الا غيرك

وهي لها بالنت سنوات
..

وكيف بالصدفه ؟ يعني تدق عليك بالغلط ! هههههههههه

حركات قديمه

حلاة اللي تحبك .. تكون عارفتك زين وشايفه شكلك

وتعرف طبعك قبل تحبك

مو بالصدفه مثل ماقلت

والف شكررررررررر
The bomb
05-10-2006, 10:02 PM
وأكيد الرجال عندهم من الإحترام إذا شافوا بنت معتدلة ومحترمة
أكيد ميه بالمئة بيتجنبونها ومايناظرون فيها كمان .


انا بصراحه من خلال ردك الجميل لفتت انتباهي هذي الجمله
اللي صدقت فيها والله صح

اما من ناحيه بالصدف أو بموعد مسبق هذا راجع لك وللي تشوفها
أنت
بس أهم شيء الاحترام هل بيكون بينكم متبادل أم تجربه عابره
هذا اللي ابي اوصل له من خلال الموضوع
عموما مشكور على مشاركتك المميزه ولك شكري ياغالي
****************************************

مشاري وكالمعتاد عوده قويه

اسمعني ياغالي

أنا مؤيد فكرتك وفكرت سامي يعني ممكن تلاقي وحده
تكلمك وتكلم عشره غيرك

وممكن تلاقي وحده ماتعرف غيرك وهذا الوضع معرف أكيد
بس كيف انت تعرف الصادقه ومن يأمن مكرهم
والكل عارف الانثى داهيه

وعلى فكره :
ترى في بنات يطبون بالغلط زي ماتكرم أخوي سامي
ويكونوا صادقات معاك لاأبعدالحدود
المسأله انا أعتبرها مسألة حظ
واذا جيت برايي البنات كلهم واحد ولا يعجني فيهم ولاشيء
بالعكس أحيانا احاول اتجنبهم أنا

راح تقوللي ليش ؟
اقول لاتدور اللي تجري ورايك بسهوله
عشان في مثل أمريكي يقول :
Easy Come Easy Go
الترجمه
مايأتي بسهوله يذهب بسهوله

***************************
ولكم جميعا شكري وفي انتظار نقاش حاد
XENON
09-10-2006, 06:37 AM
أخوي the bomb
يعطيك العافيه خيو .. والله إنت صادق ميه في الميه
مايأتي بسهولة يذهب بسهولة-----------------

مش: إنت تقول إنهم يطبون بالغلط وتعتبرها حركة قديمة
طيب هذي قديمة للي متعود عليها
وماتجي إلا من اللعابات .. لاكن تخيل لو طبت عليك وحده مالها بالحركات هذي , ودخلت معاك .. تخيل وش راح يكون المصير..

أنا بقولك حاجة في ناس تزوجوا عن طريق مكالمة ( غلطان )
والمثل يقول ( رب صدفة خير من ألف ميعاد )-----------------------------
ومره ثانيه أشكرك أخوي the bomb
على موضوعك المميز ومواضيعك المتواضعة.
يعطيك ألف عافية يا كل الغلا.:eek:
تقبل مروري
ســـ كولـــ ـــامي
Ana 3ُear
09-10-2006, 10:48 PM
سامي اللي بتشبك معك من مكالمه بالغلط

اعرف انها بتغلط مع واحد ثاني وبتفك معه

اسأل نفسك سؤال .. وش معنى انت من مليون رقم وفكت معك انت بالذات ؟؟

اكيد فيه قبلك ومليون اكيد فيه بعدك
XENON
10-10-2006, 07:15 AM
مشـــــــــــــــــــــــــــــــــــــاري



أنا وإنت طلعنا عن إطار الموضوع ...




السؤال؟؟
يعيد نفسه!!

هل تحترم من تغازلها وبس ؟؟-----------