مـكالمـة جـوال

[لـجـلـ عـيـنـكـ]

مـكالمـة جـوال

كــلّ البـشـر فــي الاتـصـالات يـخـطـون

يخطون واخطي.. عذرنا هاتف فـلان؟؟

ومــن عـادتـي ماهـتـمّ بالـلـي يقـولـون

من غلط فـي رقمـي .لقـى الـردّ غلطـان

الـيـن جــااء فــي يــوم ..دق ّ التلـفـون

شفـت الـرقـم.. لقيـتـه اشـكـال والــوان

فتـحـت جـوّالـي ابـعــرف مـــن يـكــون

سـمـعـت صـــوتٍ فـيــه بـحّــه وفـتّــان

قالت لي: انت سعود؟ قلت: ايه بالعون.

لعيونك.. اسمي سعود لـو كـان ضيـدان

قالت :اتظنّي مخطئـه. قلـت :وشلـون؟؟

قلـبـي تـوقّـف مـانـبـض فـيــه شـريــان

بـالـهـون يـابـنـت الاجـاويــد بـالـهــون

مــن عــادة الانـسـان يـرتــاح لانـســان

تسـمّـعـي يـابـنــت وابـلـيــس مـلـعــون

اخـذي كــلام ٍ مـصـدره صــدق وجــدان

مانـي بقايـل لـك: انــا انـسـان مـزيـون

اطـرق ولالـه شبـه فـي الانـس والجـان

انــا محـمّـد.. وافــي الـهــرج مـــوزون

اوزن كـلامـي.. قـبــل اقـولــه بـمـيـزان

وانــا الّــذي لاحــبّ ..لايـمـكـن يـخــون

مخلـص مدامـه حـيّ .ويـمـوت مـاخـان

وانـــا اذا حـبّـيــت.. حـبّـيــت بـجـنــون

حـبّــي يـفـجـر داخـلــي الـــف بــركــان

وانــا الّــذي مـاطـرد ورى مــن يقـفّـون

مـن صـدّ عنّـي عمـد.. بجـزيـه حـقـران

هـذي وصوفـي .واكثرالـنّـاس يـشـرون

وانـتـي علـيـك الـيـوم تقـديـر الاثـمــان

قـالـت :اشـوفـك قـمـت يامحـمـد تـمـون

تـضـحـك وضحكـتـهـا تقـاسـيـم فــنّــان

قلـت :الميانـه.. ماهـي بضحكـة سنـون

احـيــان ماتلقـيـنـهـاا بــيــن الاخــــوان

تـرى الميانـه شـيّ واضــح ومضـمـون

اذا اجتمع شخصيـن.. فـي قلـب ولسـان

قـالـت :كـلامـك وافــي ٍ يـابـن خـلــدون

احيـان احـسّ ان جلستـك بـيـن شيـبـان

يامحمـد .اسمـع كلمـة البـنـت ميـسـون

اسلوبك ووقتـك.. مضـت دونهـا ازمـان

هـــذا زمـــن قـدواتــه افـــلام كــرتــون

وهــذا زمــان ارجـالـه اجـسـاد وابــدان

قالـت.. وغنّـت لـي علـى وقتـي لـحـون

قلت: اسكتـي مـن بعـد ماخاطـري شـان

انا ادري ان الوقت.. مـن دون فـي دون

لـكـن فـمـان الله وانــس ِ الـلــذي كـــان

قلتـه وانـا صامـل.. وهـي عندهـا آذون

لـكـنّــهــا مــاصــدّقــت ســـمـــع الاذاان

ضـاقـت ...وخـلـق الله دايــم يضيـقـون

وانــا قـفـلـت الخـطّ..ضـايـق وزعـــلان

ونسيت.. والاجواد فـي الوقـت ينسـون

مــاســمّــي الانـــســـان الاّ بـنــســيــان

المشـكـلـه..بـنـات حـــــوّا مـايـسـلــون

دقّــت عـلـي وانــا لـهـا شـبـه شـفـقـان

قبـل آآتكلّـم.. قـالـت: اسـمـع ولاتـهـون

اسمي مهو ميسون.. حان الصدق حان

الاسـم عمـشـاء وآخــر الـجـدّ مصـيـون

مـهــره ولا طـوّعــت بـلـجـام وعــنــان

قلـت: ارحبـي مليـون تـضـرب بملـيـون

اقـولـهـا مـلـيـون مـــن قـلــب ولـســان

قلت: ارحبي في العين ..ولحافك جفـون

وظلالـك مـن الشمـس باهـداب الاعيـان

يـاعـيــن حــــر ٍ بالمـطـالـيـع مـفـتــون

حــر ٍ شـــراه مـولّــع الـصـيـد طـربــان

اسم الشاعر

ناصر الفهيد

[دمعة وتر]

هـــذا زمـــن قـدواتــه افـــلام كــرتــون

وهــذا زمــان ارجـالـه اجـسـاد وابــدان


الف شكرر على القصيدة

[لـجـلـ عـيـنـكـ]

دمعة وتر

العفووو ياغلاي

تسلم يدينك

ويعطيك الف عافيه

وشرفني مرورك

تقبل ودي أحترامي

أخوك

لـجـلـ عـيـنـكـ

[خلف بن فهد الراشد]

الوه يطلع لك من تلفونك حرف نون
والنون نسوه يعني يهوه هذي بنت ريانه

كذا تجي تعلمو كيف بيكون شعور حيرانن
لقا صوت ملهوفه وحيرنانه

[غريب رحال]

مشكور اخوي على اتحافنا بهذه الروعه
مقدر اقول الا انها استحوذت على اعجابي
وبصراحه وصف فأحسن وصفاً

ولك شكري

[لـجـلـ عـيـنـكـ]

خلف بن فهد الراشـد

يعطيك الف عافيه

وتسلم يدينك

وشرفني مرورك

[لـجـلـ عـيـنـكـ]

غريب رحال

تسلم حبيب قلبي

فديتك وربي

حياك ربي

وشرفني مرورك