آه يامر الصبر

[الشلوي]

آه يامر الصبر كيف ابطيق الصبـر
ان لزمته مشكله وان تركته مشكلـه

عايشٍ فوق الثرا مير كني في قبـر
الحضوض مكوشحه والحمول مدبله

لابغيت اصد عن سكة الدرب الغبـر
شفت بيبان السعد قدم عينـي مقفلـه

حار فكر الراس والعين عاقبها السهر
والليال المقفيه ماهي مثـل المقبلـه

لاغرابه والشهر صار مقداره دهـر
في عيون اللي من الوقت واجه مقتله

مير شايفلي قهر في زماني والقهـر
بذل فعل الطيب في ناس ماهم بهلـه

بعض خلق الله يجي فالنحر علة نحر
مايجوز من القشر والعلوم المسفلـه

لو تشربها العسل قال ذا موية بحـر
ولو تلقمها التمر قـال هـذي قنبلـه

والمصيبه لانخيته يامسرع ماجحـر
مايسر اللي نخى جعل بقعـا تشغلـه

عكس ناسٍ بالوفا مجدها دايم عفـر
طيبها ثابت ولابـه غشيـمٍ يجهلـه

في نواظرها تشوف القناعه والظفـر
وفي تعاملها تشوف الكرم والمرجلـه

ماتغير طبعها لـو يطولبهـا السفـر
ولاتجزع والحمل عن ميوله تعدلـه

فرق واضح بين عين المفتح والعور
والصحيح يدوم والحق يروي منهلـه

يا (...)عارفين العجم واهل النـور
وان جهلنا فاليمن ماجهلنا في جبلـه

لاتحسب أنا كذا ندرج مثـل الكـور
كل حبلٍ ننقضـه بالسياسـه نفتلـه

يا(...) لاتعود على الدرب الخطـر
الدروب الي تباها عجـافٍ ممحلـه

دوك علمٍ كاتبه بالحبر فوق السطـر
من هجوسٍ فالشعر ماتجيب الا اجزله

الحدج يبقى حدج والعطر يبقى عطر
الدروب موضحه والعلـوم مسهلـه




الشلوي

[صدى انسان]

الله ع الشاعريه بس ممكن تقولي ايش معنى دي الكلمات(لانخيته-حدج-ندرج)
ووووبس يعطيك العافيه تقبل مروري

[لحن الحياة]

صدي يا عمري ندرج يعني ندور ونتغير متل الكورة الحدج بظن من مفهوم الحكي الشي المو منيح متل الريحة الكريهة يعني الكريه يبقي كريه
الشلوي كلا م عذب واحكيلي يا تري ترجم صح لصدي انسان
تقبل مروري
اختك لحن

[دمعة حزن]

الشلوي صح لسانك ولا هنت

وتسلم يمين ما نملها.

كان ودي ارد لك بكم بيت

بس عجزت احظرها.

(( لانخيته )) يعني طلبته تبي فزعه .

((ندرج)) يعني نمشي . يعني قوم درجني ههههه.

واسف على اللقافه .

تقبل مروري . بهديك لقب شاعر المنتدى.

[الشلوي]

يسلمووووو ع مروركم العطر يالغالين وربي احرجتوني بردوركم ياالغالين اما بالنسبه لسؤال صدى مشاء الله ع لحن ودمعة جاوبكـ والله يعطيكم الف عافيه ومنجد نروتوو صفحتي بتواجدكم

دمــــــ بووووود ــــــتـــــم


الشلوي

[صدى انسان]

شكرا لحن الحياه ع الترجمه

[مـلآمـح قمـرٍ]

صح لسآنك الشلوى أبيآت في قمـة الروعه

والأبداع الله يعطيك العافيه

مودتي .

[الشلوي]

صح بدنكـ يالغلاااا ويسلموووو ع المرور المعطر بريحة المسكـ والجوري
دمـــــ بووود ــــــتــــي


الشلوي

[nina060609]

Changzhou Pu River Co., Ltd. specializing in the production of stainless steel stainless steel pipe (http://www.pjsteelpipe.com), stainless steel tube (http://www.pjsteelpipe.com), seamless steel piping (http://www.pjsteelpipe.com), seamless pipe (http://www.pjsteelpipe.com) ,seamless pipe (http://www.pjsteelpipe.com/)